Despues di bastante problema interno, gobierno a dicidi di bin cu un solucion y awo ta presenta un clone di nos prome minister. Mike Eman 2.0 a wordo crea di un cabey di scrotum den laboratorio na United Nations na New York City. Y awo despues di haci trainingnan extensivo pa par di ora, e ta cla pa ranca sali cu su trabao.
Gobierno y su 19,000 coordinadornan ta masha contento mes y ta pura pa Mike 2.0 cuminsa traha y ta un lider pa su pais. “Awor nos por depende ariba un Mike cu ta bay ta presente aki na Aruba constantemente y un otro cu ta haci viahenan afo. Cua lo keda nos no sa ainda, pero mas sigur esun cu lo ta mas inteligente.”
E fraccion di AVP tambe a haya un bon idea pa traha mas clone di Mike Eman. Rene “Baba” Herde kermen lo ta bon pa tin un Mike 3.0 tambe. “Si nos tin mas Mike ta mas miho, nos kier pa e ta mas grandi, macho y cu mas musculo, nos no por depende constant ariba Desiree. Dus cualkier hodemento den Parlemento e lo core bula sali pa stop hende di filma kico ta pasa den nos sala di payaso.”