Antonio Boekhoudt (36) trahando como un waiter na un restaurant a keda den shock ora Jim Hepple y su coleganan di AHATA a come y bebe y despues a bay sin laga un cent di tip. Antonio a comenta cu e tin 18 aña trahando como waiter y ta prome biaha esaki ta sosode.
Den un entrevista cu e waiter, e la comenta cu e tabata tin un conversacion basta amable cu e CEO di AHATA. Jim a conte cu despues di basta tempo sin come afo e la dicidi di sali bay dal un comi cu tur su coleganan di AHATA. Jim a splica e waiter cu normal e ta keda cas y bay trabao pa sinta so. Jim no ta wak un motibo pa sali for di e rutina ey, paso asina e tin control di tur su gastonan. E la bise tambe cu esaki ta un dutch treat dimes, dus tur hende na mesa ta paga pa nan mes.
Antonio tur tristo a dicidi di sigui ruim op e mesa cu AHATA a laga atras. Despues di cana ariba abou pa 8 ora e tabata satisfecho cu e por a hiba sikiera un dia di minimum loon na su cas pa cria su 2 yiunan.