Daniel Szpila, kende ta pastor di parokia di Dakota, a bisa cu e ta un fanatico di e show di Game of Thrones. E ta gusta e show masha hopi mes y ta gusta mira con su personahe preferi, e High Sparrow, ta haci y deshaci di hendenan “malo”.
E pastor a menciona cu e ta gusta con e personahe ey no tin compasion pa hende cu otro orientacion sexual. Y tambe e ta gusta cu e tin un voz poderoso cu por manipula hende, y sin por lubida con hopi pasion e tin pa su religion cu ta esun corecto. Esaki pastor Szpila a bisa e ta comparti hunto cu e High Sparrow.
A puntre si e no ta haya straño cu un pastor ta wak un show asina, unda cu tin hende ta resucita di morto, actonan di sacrificio, y unda cu tin hopi barbaridad. E pastor a contesta cu esakinan ta djis un storia di fantasia di un buki skirbi 2 decada pasa y cu no mester tume na serio.