Ayera den un rueda di prensa Evelyn Wever-Croes di e partido geel a presenta un gran idea pa cu energia alternativa. MEP seriamente ta contemplando un plan pa traha un parke solar ariba Nelson Oduber su cabes.
“Nelson Solar Solutions (NSS) lo wordo funda mane nos drenta gobernacion.” Esaki lider di partido MEP a bisa dilanti miembronan di prensa. “E plan aki lo ta sigur mas mihor cu esun di Hydro-Cable cu mi a menciona un biaha sin pensa den un debate. Mep a sinta na mesa cu tantisimo ingenieronan y tur a bisa e plan aki sigur ta mas mihor. Aruba tin cu sigui cu e idea di Green Energy. Cu Mep den gobierno nos lo cambia e palabra green pa Lime-Green pa asina ta mas serca di e color geel.”
Evelyn a sigui bisa cu esaki ta djis e comienso. “E cabes di Nelson lo ta e prome y ora esaki caba nos lo sigui. E siguiente area pa haci un projecto asina lo ta ariba e cabes di Otmar Oduber aunke nos tin cu bay di acuerdo si cu e doño. E area aki sigur ta atrae hopi solo tambe. Nos ta calcula tambe despues di par di aña cu otro area lo ta disponibel, esaki lo ta ariba e cabes di Dangui Oduber.”