Minister Mike Eman ta bek na Aruba despues di a bay regla cuenta cu e mandatario Ronald Plasterk tocante e nombracion di Alfonso Boekhoudt como gobernador. Nan a topa otro ayera diamars y segun Minister Eman tur cos a cana trankil.
E delegacion di goberierno a yega Den Haag y a bay rumbo pa e Minister Plasterk. Minister Eman hunto cu su sidekick Minister Benny Sievinger a dal, skop porta habri pero despues a topa Minister di Asuntonan di Reino cara cara y a sinta mesora na mesa.
Plasterk mes a admiti cu e proceso na comienso no a cana segun reglanan y palabracionan haci pero awo Aruba mester djis guli manda abou. Eman ta haya cu tipo di decisionan asina ta stroba e relacion uni di e Reino Hulandes. “Nos a expresa nos mal contento di con cos a cana y asina e reunion a termina basta trankil sin problema. Toch esaki ta keda un situacion masha fastioso mes pero na final mi mester a djis bisa ‘is goed’.”