Por ripara cu tin hopi rosamento tumando lugar e aña aki y esaki sigur ta influencia e habitat di nos animalnan. Despues di añas akinan na Aruba, e unicornio a dicidi cu ta basta. E animalnan mitologico aki nan privacidad no ta proteha mas y pesey no ta keda nada otro pa busca otro lugar di biba.
Vocero di DOW den un interview a bin clarifica cu ta berdad cu nan a wak hopi bestia perde nan habitat pa traha lugar pa e infrastructura pa e especie superior. “Nos a mira e unicornio nan aki y a avisanan hopi trempan cu nos ta bay rosa pa traha un vierbaansweg. Lastimamente, nan a warda te na final pa bandano e area lagando atras un regenboog net ora di rosamento. Nos a hasta perde nos spiritonan den Franse Pas despues di e mal trabou di snoei danki na nos mal maneho interno”.
Al contrario cu e unicornio, por ripara cu otro tipo di bestia a sali diripiente den grandi e temporada aki. Nos no sa di unda nan a bin of di unda nan a sali, pero por mira hopi chupacabra colorido coriendo campaña hunto cu nos gobernantenan y miembronan di Parlamento.