Ayera nochi Minister Mike de Meza a haya su mes den un situaction cu por stroba ful su campaña. Aparentemente e la haci un “dab” demasiado duro y esaki a resulta cu e la herida su neck seriamente.
Su lider di campaña a informa nos cu nan a bin cu e “dab-mento” ey pa asina mustra Aruba con ridiculo un grupo por haci pa asina haya atencion. “ E dab ta un movecion cu bo ta manda bo man nan ariba cu un angulo di 45 graden, y bo ta tira bo nek mane bo ta hole bo cocoodek. Nos tin mas planes style di asina na caminda por ehempel e conocido Harlem Shake ta bay wordo filma un di e dianan aki na Cas di Partido. Tambe nos tey bayla Juju On That Beat y Watch Me Whip Nae Nae. Bo mes sa, cualkier otro ridicules viral nos lo haci pa haya e atencion pa e posibilidad di un voto”, asina e organizador di su campaña a bisa.
Mike de Meza mes no tabata por a duna comentario paso ainda curpa ta hodido y no sa si e ta bay recupera na tempo pa termina su eleccion. Nicolas Maduro a tende di e noticia y a manda un bouquet di santo cu yerba y ta desea e Minister pronto recuperacion.