Despues di un gran reapertura di Joe Laveist Sport Park november aña pasa, Aruba Sport Unie (ASU) ta anuncia cu na april ta bay tin show di monster truck den e sport park renoba.
ASU, cu ta doño, a bisa nan ta man habri pa haci ki evento cu ta den e stadion nobo nobo pa haya mas recurso. “Baseball no ta wordo mira hopi pa atrae hopi hende na e sport park grandi aki. Pesey nos tabata hopi contento ora a tende interes local y internacional pa haci un show di monster truck akiden. E placa cu por wordo genera di e evento aki por laga nos sikiera break-even pa cubri e show di vuurwerk cu a wordo haci dia di e reapertura.”
Otro siman ta cumsa kita full e yerba artificial y haci mas desmantelacion. Esaki mester wordo haci pa pone un monton grandi di santo paden. E organisacion cu lo haci esaki tambe lo basha dos muraya grandi abao pa e monster trucknan por drenta y sali facil. Organisadornan ta bisa cu auto biew of kibra pa monster truck pasa riba nan ta bay ta facil pa haya. “Nos lo tin cu djis colecta tur e auto RHD-nan cu ta bay accidenta den e proximo siman.
Dikon no ta uza Don Elias Mansur Ball Park? Esey ta unda ami ta corda cu tabata tin e show aki. #foodforthoughts
Haaaaaahahahahahaaaaa
24lora a sirbi su proposito, hopi bon haaaaahahahahaaa